«Зерде» дарынды балалар мектебінің  сенбілік есебі.

         Жаппай қалалық сенбілікке  173  оқушы, 30 мұғалім мен 29 кіші қызметкер   қатысты.

         Сенбілікке 7-11 сынып оқушылары қамтылды. Мектепке бөлінген аудандар жинақталып, қоқыстар қапқа салынып, белгіленген           орынға қойылды.

Толығырақ: Сенбілік

«Ұстаздықұлы іс» деп кемеңгер жазушымыз М.Әуезов айтқандай, бұған лайық болуүлкен абырой, басты борышым деп есептейтін «Зерде» дарынды балалар мектебінің қазақ тілі мен әдебиеті пәні мұғалімі Исабаева Гүлсара Бекенқызы - нағыз тіл жанашыры.  Қазақ тілі, ұлт намысы, ел тағдыры дегенде, ішкен асын жерге қояр, әр іске жан-тәнімен кірісетін елгезек, бойында  тектіліктің лебі есіп тұратын парасатты, әр шәкіртінің бойына үкілі үміт оятқан шебер мұғалім.

Мұғалім – мамандық болса, ұстаздық – қасиет, табиғат дарытқан құдірет екен. Бойыңа қуат, жүрегіңе жарық жігер беріп өрге сүйрейтін де, жаныңа азық, өміріңе өзек боп төрге сүйрейтін де – осы ұстаздық қасиет. Қазағымның, елім мен жерімнің және ана тілімнің мерейін өсіретін ұстаздық ұлағатты істе адал болуды бойтұмары еткен Гүлсара Бекенқызы мектеп қабырғасы қаланғалы мемлекеттік тіл бағдарламасының жүзеге асуын қолға алып, аса жауапкершілікпен атқарып келеді. Еліміздің дана да дара тұлғаларына арналған оқуларды ұйымдастыруда, «Бұлақ көрсең, көзін аш» дегендей, әр шәкірттің бойындағы қабілетті ашуда еткен еңбегі орасан.  Абай, Мұқағали, Махамбет, Мағжан, Мәшһүр бабамыздың оқуларында облыстық, республикалық сайыстарда оқушылардың жүлделі орындарды иеленіп, жеңімпаз атануы – Гүлсара Бекенқызының шебер ұйымдастырушылығы мен тілге деген жанашырлығының айқын көрінісі.

Мұхтар Шаханов ағамыз: «Әр адамның өз анасынан басқа туған жер, туған тіл, туған дәстүр, туған тарих – деген төрт анасы болуы тиіс»  десе, осы төрт құбыласын тең ұстап жүрген Гүлсара Бекенқызының білім саласына берер өнегесі мен тәжірибесі, шәкірттерімен алар асулары әлі алда.

«Зерде» дарынды балалар мектебінің ұжымы

    Мектебімізде 3 мамыр күні Қазақстан Республикасының Қарулы күштерінің  25жыл мерей тойына орай саптық жүріс, патриоттық  әндер сайысы өтті.  Сайысқа 5-10 сынып оқушылары қамтылды. Саптық байқауда  топ  ұраны, әні,  саптық жүріс, командирдің  бұйрық беруде  ережеге сай орындауы сыналды. Патриоттық ән орындауда  10а,б, 8б, 6б,5а өздерінің сезімдерін , Отанға деген сүйіспеншілігімен  ерекше  көзге түсті. Бөлімше басшылары – Махамбетов Рамазан, Мешітбай Жүсіп бұйрық беруде, саптық жүрістеерекшеленді.. Жүзден жүйрік озып шығып, мінсіз саптық құрамымен, ережеге сай  саптық жүріспен , өзін-өзі ұстау  әдебімен көзге түскен 10 «А» ,  5 «А» сынып оқушылары   жеңімпаз атанды.

Қазақ елінің болашағы осындай патриот жастарынан басталады!

«Зерде» дарынды балалар мектебінің тарих және география пәні мұғалімі Темирханова Алия Бекешқызы  республикалық  «Жаңашыл мұғалім -2017»  байқауының жеңімпазы атанды! Байқау мақсаты - білім беруде  АКТ –ны ұтымды қолданып,  сабақ беру барысында Вilimland. кz білім беру платформасының  ресурстарын оқу үдерісінде тиімді  әрі ұтымды пайдалану.  Осы байқаудың  барлық талаптарына сай Әлия Бекешқызының  жұмысы  «АҚТ тәрбие жұмысында»  номинациясы бойынша мыңнан аса қатысқан ұстаздар арасында «Ең үздік» деп танылып, Bilim Media Groyp компаниясы атынан 250 000 сыйақыны жеңіп алды.

Материал қалалық "Отарқа" газетінің сайтынан алынды. www.otarka.kz

Дарынды балаларға арналған «Зерде» мектебінің директоры Нұржан Қафизовпен сұхбат құруға бір апта бұрын келіскен едік. Уәделескен күні кабинетіне барғанымда, директор мені жарқын жүзбен қарсы алды. Қысқаша амандық-саулық сұрасқан соң, ол мектебіндегі қуанышты жаңалықпен бөлісті: Павлодар қаласында өткен республикалық ІХ «Жарқын болашақ» олимпиадасының облыстық кезеңінде «Зерде» мектебінен қатысқан 5 оқушының үшеуі олжалы оралыпты. 11 «Б» сынып оқушысы Аманғазы Ниязов «Сөз шебері» аталымында бас жүлдеге ие болса, 10 «А» сынып оқушысы Нұргүл Қайыркен ІІ орынды, 10 «А» сынып оқушысы Аллажар Саттар ІІІ орынды иеленіпті!

Нұржан Бахриденұлын мектептің кезекті жеңісімен құттықтаған соң, одан арғы әңгімеміз осы тақырыпта өрбіді.

- Нұржан Бахриденұлы, «Зерде» мектебі қаншама дарынды баланың бағын ашты. Жалпы, көп баланың ішінде дарындыны іріктеу қиын ба?

- «Зерде» мектебіне балаларды 1-сыныптан және 5-сыныптан бастап оқуға қабылдаймыз. Мәселен, 1-сыныпқа қабылдау үшін арнайы психологиялық-педагогикалық тестілеуден өткізіледі. Бірінші, логикалық ойлау қабілеті; екінші, есте сақтау қабілеті; қол моторикасының жетілуі; төртінші, оқу және санау үрдісі есепке алынады. Ал 5-сыныпқа логикалық ойлау қабілетін анықтауға арналған тест пен математика және қазақ тілінен мемлекеттік стандартқа сәйкес  білімін анықтау негізінде қабылданады.

Толығырақ: Білімдінің алды жарық