Математика, информатика және физика пәндері апталығының қорытындысы

 

2017 жылғы 27.02 – 1.03.17 аралығында мектебімізде математика, физика және информатика пәндерінің апталығы «Сандар құдіреті» тақырыбында өткізілді. Аталған апталықты өткізу мақсаты –Қазақстан Республикамыздың тәуелсіздігінін 25 жылдығына, Екібастұз қаласының 60 жыл мерейтойына, қазақ хандығының 550 жылдығына байланысты оқушылардың білімдерін тереңдетіп, математика, физика және информатика пәндеріне қызығушылығын арттыру, математикалық сауаттылығын жетілдіру, заман талабына сай жаңа технологияларды тиімді қолдану.

Апталық барысында аталған сандарға орай интеллектуальдық, логикалық ойындар, викториналар, білім көрмесі өткізілді.

 

Толығырақ: Математика, информатика және физика пәндері апталығының қорытындысы

Махамбет оқулары

Мектебімізде қазақ тілі мен әдебиеті пәні апталығы аясында ҮІІІ мектепішілік Махамбет оқулары өтті. ХІХ ғасырдың бірінші жартысында сұрапыл жырлармен халықты күреске шақырып үндеген Махамбеттің ақындық дарынын  өлеңдері арқылы оқушыларға түсіндіре отырып, мектеп оқушылары арасында ақын өлеңдерін жатқа айтушылар мен арнау  өлең иесі – ақындардың өлеңдерін сарапқа салу, өршіл жырлары арқылы ерлікті ту еткен Махамбеттің ерлігін қастерлеуге баулу, елінің адал азаматы болуға тәрбиелеу мақсат етілді. Жылдан-жылға бұл оқуға қатысушылардың саны артуы қуантарлық жайт. Махамбет өлеңдерін жатқа оқу, яғни, «Ел құтқарар ер едім...» бағыты бойынша 33 оқушы бағын сынаса, «Тартылмай сөйлер асылмын...» номинациясы бойынша ақындық қабілетін сынаған оқушылар саны 20-ға жетті. «Ұлы арман» бағыты бойынша Махамбет күйлерінің жарысы, өкінішке орай, домбырашылар тарапынан қызығушылық танытпай, сайыскерлер болмады.

Толығырақ: Махамбет оқулары

   

                           Оқырмандар кездескенде...

 

Мектепте 17- ақпан күні «Кітап – сарқылмас рухани қазына» атты 2-4сыныптар аралығында оқырмандар конференциясы өтті. Конференцияға  таңдалған әңгіме Нұрдәулет Ақыштың  « Мейірімділік сәулесі». Әңгімені оқуға 2 жұма беріліп, әңгіме бойынша тест арқылы оқыған  44 оқушы іріктеліп алынды. Кітап туралы мәнерлеп өлең оқылып, басты кейіпкер рөлін  2а сынып оқушысы Сушин Батырхан жақсы сомдады. Интербелсенді тақтадан  ғарыш айлағы туралы видио ролик көрсетілді.

 

Толығырақ: Оқырмандар кездескенде...

       

                               Абай- дана, Абай- дара қазақта...

        22 ақпанда мектебіміздің дәстүрі бойынша  «Абай- дана, Абай- дара қазақта..» тақырыбында поэзия сүйер бастауыш сынып  бүлдіршіндерімен ХІІІ мектепішілік Абай оқулары 3 номинация бойынша өткізілді. Бастауыш сынып оқу ісінің меңгерушісі Исабаева Г.Б жетекшілігімен  ұйымдастыру жұмыстары жүргізіліп,  4- сынып оқушылары М.Әуезовтың «Абай жолы» романы бойынша «Ақыл жастан...» тақырыбында көрініс көрсетті (Ағзап Ә, Әдіман Е, Бегайдаров Н,Жанабаев М)   Мектеп сахнасы талапқа сай безендірілді (жауапты Сүлешева Е.С)

Толығырақ: Абай- дана, Абай- дара қазақта...

Ақпанның 16-17-сі Мемлекеттік тілде оқытатын дарынды балаларға арналған «Зерде» мамандандырылған жалпы білім беру мектебінде ІV мектепішілік дебат  турнирі өтті. Биылғы жылы 8-10 сынып оқушылары «Баланы үнемі қолдаудың пайдасы басым» тақырыбында пікір таластырды. Даттау позициясы «Баланы үнемі қолдаудың зияны басым» деген тақырып төңірегінде ой қозғады. Турнирге қатысуға 12 команда ниет білдіріп, алғашқы күні әр команда жақтау, даттау позициялармен ауысып, 3 ойыннан өткізді. Даттау барысында баланы үнемі қолдау еркелікке апарады, кейін өмірге бейім болмай, өзі шешім қабылдауға үйренбейді деп, жақтау жағы мектептегі жетістіктеріміздің өзі мұғалімнің қолдауының арқасында үлкен жетістікке жетелеп, сенім ұялатады, достардың қолдауы, әсіресе жасөспірім кезде қажет, көпшілік ортада беделі өсіп, жігерлендіреді деген ой тастады. Нақты фактілер арқылы дәлелдеу үшін сайыскерлер сөздік, энциклопедиялардан дефинициялар тауып, психолог-педагог еңбектерінен үзінді келтірді. Ойынға төрешілік қызметін атқарған әділ қазылар жартылай финалға 4 командаға жолдама беру керек еді, бірақ «Дарын» мен «Құлагер» тең түсіп, олардың арасында жеке іріктеу туры өтті.

Нәтижесінде

1 орын «Тарлан» тобы 9б сынып

2 орын «Кемел келешек» тобы 10а сынып

3 орын «Жарқын болашақ» тобы 10а сынып және «Дарын» тобы 9б сынып

Сонымен қатар спикерлік міндетін жоғары дәрежеде атқарған Жангалиев Дамир 9б, Жумабеков Ануар 10а, Умиралинова Жұлдыз 9б, Ахметуллина Айдана 10б, Жанкина Аяулым «Үздік спикер» номинациясына ие болды.

Командаларды дайындауға жауапкершілікпен қарап, мектепішілік турнирдің жоғары нәтижеде өтуіне ықпал еткен мұғалімдерге «Үздік жаттықтырушы» номинациясы Дусупова А.А., Темирханова А.Б. берілді.